📚 NOVIDADE: Acción Altair: proxecto de tempo libre (8-20 anos)
A nosa asociación matriz, Altair Fundacional, ven de publicar recentemente o libro Acción Altair: proxecto de tempo libre (8-20 anos), no que se condensan os diferentes documentos que marcan a visión, misión e obxectivos da nosa asociación, así como elementos pedagóxicos e reflexións que facilitan a posta en marcha de novos agrupamentos educativos.
Está dispoñible en catro versións diferentes incluíndo: portugués, español, galego e inglés. Para acceder ao libro preme na seguinte imaxe!
📚 Quen somos?
Altair Galiza é unha asociación sen ánimo de lucro que forma parte do movemento internacional Altair, un proxecto educativo e voluntariado no tempo libre feito por ducias de persoas comprometidas e con moita ilusión. Nacemos co obxectivo de achegar as crianzas á súa contorna, creando espazos seguros, inclusivos, cheos de aventura e valores comunitarios.
💥 Que facemos?
En Altair traballamos con nen@s e adolescentes de entre 8 e 18 anos usando metodoloxías activas baseadas en proxectos e no aprender facendo. O que queremos é claro: ofrecer un lugar onde crecer, aprender e vivir experiencias que axuden a formar persoas libres e comprometidas.
✨ Apostamos polo voluntariado e o asociacionismo como ferramentas de cambio social. Defendemos a liberdade, a igualdade, o respecto á diversidade, o pensamento crítico, a xustiza social e o coidado do medio. Todo isto está recollido na nosa Carta Constitucional.
📄 Se queres saber máis a fondo como nos organizamos, podes botarlle un ollo aos nosos estatutos e ao regulamento interno.
📚 Métodos Pedagóxicos
Temos os nosos propios métodos educativos, adaptados por idades, que foron aprobados en Asemblea Extraordinaria o 19 de decembro de 2021. Están en fase experimental durante 3 anos, á espera da súa aprobación definitiva polo Consello Internacional do MEI Altair:
- Método Pedagóxico Xeral
- Método Pícaras
- Método Insurras
- Método Aventureiras
- Método Pioneiras
- Método Argonautas
📍 Onde estamos?
- Seteportas-Altair → Santiago de Compostela (A Coruña)
- Chao de Castro-Altair → Burela (Lugo)
- Faro Brigantium-Altair → A Coruña (A Coruña)
Estes últimos dous grupos, Chao de Castro e Faro Brigantium, actualmente non contacto con actividade regular.
Queres iniciar un agrupamento Altair nalgún outro lugar da Galiza? Contáctanos!
🧭 Escola de Tempo Libre
Altair Galiza tamén ten unha Escola de Educación nos Tempos Libres, onde podes facer cursos de monitorado, dirección e moito máis. A nosa formación está homologada pola Xunta de Galicia e recolle o mellor da tradición pedagóxica no tempo libre.
🖥️ Explora a nosa web e descobre todo o que facemos. Únete á aventura Altair!
📸 Galería
